Forcat ukrainase kanë shkatërruar 50 depo të municionit të Rusisë duke përdorur sistemin e raketave HIMRAS, që Uashingtoni i ka dhënë Ukrainës, tha ministri ukrainas i Mbrojtjes.
“Kjo ndërprenë zinxhirët logjistikë [të Rusisë] dhe pamundëson që të kryejnë luftime aktive dhe të mbulojë forcat tona me granatime”, tha më 25 korrik, ministri i Mbrojtjes së Ukrainës, Oleksiy Reznikov.
Këto pretendime të Reznikovit nuk kanë mundur të konfirmohen në mënyrë të pavarur.
Po ashtu të hënën, Ministria e Mbrojtjes së Rusisë pretendoi se forcat e saj kanë shkatërruar një depo municioni, ku ishin të vendosura HIMARS-ët amerikanë në Bogdanovtsi, në rajonin Helnitski të Ukrainës.
As këto pretendime të Rusisë nuk kanë mundur të konfirmohen në mënyrë të pavarur.
Forcat ukrainase duke lëshuar raketa HIMARS pranë Zaporizhias – një imazh i publikuar më 4 korrik.
Javën e kaluar, Shtetet e Bashkuara njoftuan se do t’i dërgojnë Ukrainës edhe katër sisteme HIMRAS, pasi në të kaluarën i kishin dërguar 12 të tjerë.
Ukraina ka thënë se përdorimi i Sistemeve të Artilerisë me Lëvizshmëri të Lartë (HIMARS) po bën dallimin në fushëbetejë. Këto sisteme janë më precizë dhe kanë rreze më të gjatë veprimi sesa sistemet sovjetike që Kievi ka në arsenal. /REL
Raporti nga Zyra e Përfaqësuesit të Lartë në BiH: Lëvizjet e autoriteteve të RS po çojnë në ndarje de facto nga BiH 
Mediat ruse e paraqesin humbjen e Vuçiqit si pasojë të ndikimit perëndimor 
Vuçiqi pësoi humbje pas 14 vitesh: Studentët fituan 139 mandate, lista e tij mbeti në 104 
Automjetet e Xhandarmërisë për shpërndarjen e protestave para Presidencës së Serbisë 
Duriq: Radoiçiq dhe Veselinoviq janë dy kriminelët më të mëdhenj në Serbi 
Sputnik përhap dezninformata për Bondstillin, thotë se Serbia, Rusia dhe Kina duhet të japin pëlqimin