The Geopost organizon sot konferencën “Balkan Disinfo 2025”, një ngjarje e rëndësishme që do të trajtojë sfidat dhe kërcënimet e dezinformimit në rajon dhe më gjerë.
Konferenca do të mbledhë ekspertë të fushës, analistë dhe përfaqësues të institucioneve ndërkombëtare për të diskutuar ndikimin e propagandës dhe strategjitë përballuese.
Në konferencën, e cila sipas njoftimit do të zgjasë tërë ditën, janë paraparë tetë panele diskutimi.
Temat kryesore që do të trajtohen janë dezinformimi transatlantik, dezinformimi në BE dhe shtetet baltike, sfidat e reja për fact-checking në 2025, Ukraina që nga agresioni rus, dezinformimi në Ballkan dhe ndikimi rus, dezinformimi në rajonin e Detit të Zi si dhe roli i inteligjencës artificiale në dezinformim.
Diskutimi do të pasurohet me folës nga Amerika, Britania e Madhe, Polonia, Italia Sllovakia, Rumania,Serbia, Bosnja e Hercegovina, Bullgaria, Gjeorgjia, Finlanda, Latvia, Maqedonia e Veriut e Spanja.
Konferenca synon të rrisë ndërgjegjësimin mbi kërcënimet që vijnë nga dezinformimi dhe të diskutojë strategjitë për mbrojtjen nga manipulimet e aktorëve keqdashës.
Konferenca “Balkan Disinfo 2025” mbahet në Hotel Swiss Diamond dhe nis në ora 9:00./The Geopost/
Sipas Ministrisë Britanike të Mbrojtjes, 900,000 ushtarë rusë ndoshta janë vrarë ose plagosur që nga pushtimi i Moskës në Ukrainë 
Adoleshenti serb bëhet viktima e 16-të që vdes pas katastrofës së stacionit të trenit 
Ukraina pretendon se ka zhvilluar një armë lazer vdekjeprurëse me dron 
Taktikat kineze të frikësimit kundër Tajvanit vazhdojnë 
Serbia e zemëruar për paktin e mbrojtjes mes Kroacisë, Shqipërisë dhe Kosovës 
Bixhozi i Dodikut: Bosnja dëshiron t’i japë fund bllofit të liderit sfidues serb