Serbia certifikon për zgjedhje listën “Që ushtria të kthehet në Kosovë”, e kryeson përkrahësi i Rusisë që u sanksionua nga SHBA

Komisioni Qytetar Zgjedhor i Beogradit ka certifikuar sot listën e së djathtës serbe “Për kthimin e ushtrisë në Kosovë – Misha Vaciq”, e cila do të jetë në fletëvotim me numrin 8. Bartësi i listës dhe kandidati për kryetar komune të Beogradit është presidenti i saj, Misha Vaçiq.

Ai e tha publikisht se në Serbi duhet të rritet nacionalizmi dhe bëri thirrje që ushtria serbe të hyjë në Kosovë.

“Në Serbi duhet të vijnë në pushtet forcat politike që do të kenë forcën dhe vullnetin për të nënshkruar që ushtria jonë të kthehet në Kosovë. Unë personalisht jam i gatshëm për një gjë të tillë, prandaj kandidoj për kryetar të Beogradit që këtë politikë ta prezantoj përmes mediave dhe t’i dërgoj mesazh çdo qytetari se është koha që ushtria të kthehet në Kosovë”, tha politikani nacionalist serb.

Përkundër që ai shkoi për dorëzimin e listës me veprimtarë të së djathtës serbe të cilët mbanin flamuj të Serbisë dhe flamuj me mbishkrimin “Jo dorëzim i Kosovës”, ai i certifikua.

Kush është Vaçiq?

Së fundmi, Departamenti i Shtetit dhe Ministria e Financave e Shteteve të Bashkuara të Amerikës shpallën vendimin për vendosjen e sanksioneve ndaj disa individëve nga Ballkani.

Në mesin e tyre janë Misha Vaçiq dhe Nenada Popoviq, si dhe një sërë subjektesh ekonomike dhe për shkak të lidhjes së tyre me aktivitetet e dëmshme të Federatës Ruse dhe me qëllim të menaxhimit funksional demokratik të rajonit.

Misha Vaciq është udhëheqës i organizatës ultradjathtiste proruse “E djathta serbe”.

Vaciq është në listën e të sanksionuarve për, siç thuhet në shpjegim, aktivitete që “minojnë paqen, sigurinë, stabilitetin politik ose integritetin territorial të Shteteve të Bashkuara, aleatëve ose partnerëve të tyre”, dhe që janë në favor të qeverisë ruse.

Që nga fillimi i pushtimit të Ukrainës, ai mori pjesë në takime në tubime të Rusisë, dhe kundërshtoi vendosjen e sanksioneve kundër atij vendi.

/The Geopost