Mes pandemisë, dezinformatat ruse me karakteristika kineze

Kremlini dhe Partia Komuniste Kineze po mësojnë nga njëri-tjetri në formimin dhe zhvillimin e një lufte informacioni që synon përkeqësimin e ndarjeve politike në Perëndim dhe minimin e besimit në demokraci, tregon një studim i ri.

Ndonëse ka pak prova të bashkëpunimit të qartë, ka raste të përputhshmërisë narrative, tha Qendra për Analizën e Politikave Evropiane, një organizatë kërkimore me bazë në Uashington.

Sipas raportit, i cili përqendrohet në fushatat e dezinformimit që nga zbulimi i fundit i vitit 2019 të koronavirusit në Wuhan, Kinë, luftëtarët e informacionit të Pekinit filluan në masë të madhe duke ndjekur “librin e lojërave të dezinformimit” rus, duke kopjuar narrativat, mjetet dhe teknikat dezinformuese, por tani po zhvillohet një mësim i njëkohshëm.

“Gjatë pandemisë COVID-19, Partia Komuniste Kineze (PKK) përhapi dezinformata në lidhje me efikasitetin e vaksinave dhe origjinën e virusit, një ndryshim nga fushatat e mëparshme dezinformuese të Pekinit, të cilat kishin një fokus më të ngushtë në çështjet specifike të Kinës si Tibeti, Hong Kongu dhe Tajvani”, thanë studiuesit Ben Dubow, Edward Lucas dhe Jake Morris.

“Përputhshmëria narrative dhe përforcimi qarkor i dezinformatave tregojnë se Kina po ndjek një libër rus me karakteristika kineze. Rusia po mëson njëkohësisht nga qasja kineze”, thanë autorët.

“Dallimi më i madh midis taktikave të luftës së informacionit të Kinës dhe Rusisë mbetet këmbëngulja e Kinës për konsistencën narrative, krahasuar me strategjinë ruse të mashtrimit të gënjeshtrave,” shtuan ata. “Edhe me burime shumë më të mëdha, kjo në të madhe parandalon narrativat kineze nga lëkundjet e opinionit publik ose polarizimi i shoqërive.”

Mijëra faqe interneti

Për studimin, hulumtuesit e CEPA-s mblodhën mijëra artikuj në ueb-faqe dhe mesazhe në mediat sociale nga zyrtarë të qeverisë ruse dhe kineze dhe nga media të mbështetura nga shteti prej marsit 2020 deri në mars 2021. Kjo u plotësua nga një përmbledhje e hulumtimit të kryer nga grupe të tjera dhe institucione akademike për dezinformimin rus dhe kinez, i cili përkufizohet si narrativë e bazuar vetëm pjesërisht në të vërtetën dhe qëllimisht e destinuar për të mashtruar.

“Rusia kryesisht ndoqi praktikën e saj të mëhershme të përdorimit të krizave për të ndezur tensionet në shoqëritë e huaja. Kina huazoi disa mjete nga Rusia, por i përdori ato për qëllime të ndryshme, duke pastruar historikun e saj dhe duke përhapur teori konspirative në shkallë globale,” tha studimi, “E goditur në shpinë: Harta ruse dhe kineze e operacioneve të informimit gjatë COVID-19”, e cila u publikua javën e kaluar.

Një ditë para publikimit të raportit, Meta, kompania mëmë e Facebook dhe Instagram, njoftoi se kishte hequr më shumë se 600 llogari të mediave sociale të lidhura me një operacion të ndikimit kinez që pretendonte se Shtetet e Bashkuara po i bënin presion Organizatës Botërore të Shëndetësisë për të fajësuar qeverinë kineze për COVID-19.

Autorët e CEPA-s thanë se Kina dhe Rusia e kanë përdorur pandeminë si një justifikim për t’u përpjekur të gërryejnë më tej besimin në demokraci dhe të zhvillojnë luftë informacioni kundër Perëndimit, duke hapur një tjetër front propagande në konkurrencën në rritje midis qeverive demokratike dhe autoritare.

Duke folur të enjten në Uashington në ditën e parë të një Samiti virtual për Demokracinë, Presidenti i SHBA-ve, Joe Biden, tha se ishte një moment kritik dhe u bëri thirrje liderëve demokratë që ti “bashkojnë duart” për t’i treguar botës se demokracitë janë mjete shumë më të mira për shoqëritë sesa autokracitë.

Sekretari amerikan i Shtetit’, Anthony Blinken, paralajmëroi të mërkurën se pandemia ka rritur sfidat për shtetet demokratike dhe ai fajësoi “udhëheqësit e paskrupullt” për përhapjen e keqinformimeve dhe dezinformatave.

Raporti tha se Kina vazhdon të refuzojë çdo fajësim nga perëndimi për trajtimin e saj të shpërthimit. Kremlini mohon në mënyrë rutinore akuzat se krijon ose përjetëson fushata dezinformuese të çfarëdo lloji.

E projektuar për të shfrytëzuar ndarjet

Zyrtarët perëndimorë thonë se Rusia dhe Kina kanë synuar prej kohësh të dobësojnë Shtetet e Bashkuara, të zbehin apelin për institucione demokratike dhe të shfrytëzojnë ndarjet, duke rritur polarizimin në Perëndim. Ata thonë se këto qeveri e kanë kapur pandeminë për të rritur ndikimin e tyre ndërkombëtar përmes operacioneve të dezinformimit.

Fushatat ruse dhe kineze të informacionit – duke përdorur llogari të rreme të mediave sociale dhe platforma të tilla si Twitter për të promovuar teori konspirative të përforcuara nga mediat shtetërore – kanë një efekt përforcues reciprok, thonë ata.

Sipas raportit të CEPA, Kina dhe Rusia kanë luajtur një rol qendror në përhapjen e dezinformatave të lidhura me COVID. Kina është përpjekur të sanojë reputacionin e saj duke e promovuar veten si partneri më efektiv global në luftimin e sëmundjes, ndërsa rrjetet ruse të dezinformimit janë fokusuar në përpjekjet për të minuar besimin në përpjekjet perëndimore për të frenuar infeksionin.

Raporti zbuloi se fushatat kineze të dezinformimit u intensifikuan në përgjigje të akuzave të ish-Presidentit Donald Trump se koronavirusi mund të kishte rrjedhur nga një laborator kinez në Wuhan, dhe më pas përsëri pasi komuniteti i inteligjencës amerikane i raportoi të njëjtën mundësi Presidentit, Joe Biden.

Rusia ka përparuar në përhapjen e dezinformatave të vaksinave në të gjithë Evropën, tha CEPA. Në maj 2021, tha ai, influenceret e mediave sociale në Francë dhe Gjermani u afruan nga një grup me qendër në Londër, i kontrolluar nga Moska, i cili u ofroi t’i paguante ata për të përhapur dezinformata rreth vaksinës Pfizer.

Studiuesit e CEPA vunë në dukje gjithashtu se ka kufizime të mundshme në çdo konvergjencë kino-ruse në mjedisin e informacionit. Luftëtarët e informacionit të Kinës ndjekin narrativa më të qëndrueshme dhe të ngurta, me sa duket të urdhëruara nga shefat e tyre. Ndërsa kjo i jep PPK-së më shumë kontroll mbi mesazhet, e lë Pekinin më pak të suksesshëm se Kremlini në përshtatjen e përmbajtjes për audienca të synuara.