Demokratët Evropianë alarmohen për Pegasusin në Serbi: Përgjimet kërcënojnë demokracinë

Demokratët Evropianë kanë reaguar pas raportimeve se telefoni i rektorit të Universitetit të Beogradit, Vladan Đokić, është infektuar me programin spiun Pegasus, ndërsa dyshime për shënjestrim nga i njëjti softuer janë ngritur edhe ndaj prokurorit Rade Bajiq.

Në një reagim, Demokratët Evropianë e cilësuan situatën shqetësuese, veçanërisht pasi, sipas tyre, rastet e dyshuara të përgjimeve përfshijnë studentë, aktivistë, gazetarë, figura të opozitës, akademikë dhe prokurorë.

“Telefoni i rektorit të Universitetit të Beogradit, Vladan Đokić, një mbështetës i lëvizjes studentore në Serbi, është infektuar me programin spiun Pegasus. Prokurori Rade Bajiq, i përfshirë në një hetim të rëndësishëm për korrupsion, gjithashtu është paralajmëruar se mund të ketë qenë në shënjestër”, thuhet në reagimin e tyre.

Demokratët Evropianë theksuan se këto zhvillime janë veçanërisht shqetësuese, pasi vijnë vetëm gjashtë ditë para zgjedhjeve në Serbi.

“Mbikëqyrja dhe frikësimi nuk kanë vend në një demokraci dhe janë të papajtueshme me të ardhmen evropiane të Serbisë”, thuhet në reagim.

Ata kërkuan zhvillimin e një hetimi të plotë dhe të pavarur për të sqaruar rastet e dyshuara të përgjimeve dhe për të përcaktuar përgjegjësitë.

“Serbia duhet të jetë e lirë ta zgjedhë të ardhmen e saj pa frikë, frikësim apo mbikëqyrje”, përfunduan Demokratët Evropianë në reagimin e tyre.

The GeoPost

The phone of #Belgrade University Rector Vladan Đokić, a supporter of #Serbia’s student movement, was infected with Pegasus spyware.
Prosecutor Rade Bajić, involved in a major corruption investigation, was also warned that he may have been targeted. Students, activists, journalists, opposition figures, academics, prosecutors: the list keeps growing.
Six days before Serbia votes, this is deeply alarming. Surveillance and intimidation have no place in a democracy and are incompatible with Serbia’s European future. We demand a full and independent investigation. Serbia must be free to choose its future without fear, intimidation or surveillance.

— European Democrats (@democrats_eu) October 19, 2026