Ka vdekur në moshën 71-vjeçare analisti dhe eksperti i njohur amerikan për çështjet ndërkombëtare, Janusz Bugajski.
Kështu ka bërë të ditur Elez Biberaj, ish-drejtor në Zërin e Amerikës.
Në analizat e tij, Janusz Bugajski shpesh kritikonte politikat destabilizuese të Moskës dhe Beogradit, duke bërë thirrje për një qasje më të vendosur të Perëndimit ndaj autokracive.
Ai ishte kontribues i rregullt në The Geopost, ku me analizat e tij sillte një perspektivë të qartë dhe të thellë mbi zhvillimet në rajon, duke pasqyruar diapazonin e tij të gjerë profesional dhe përkushtimin ndaj vlerave demokratike.
Ka qenë autor i një sërë librash dhe analizash mbi politikën ndërkombëtare, me fokus të veçantë në zhvillimet në Ballkan, NATO dhe marrëdhëniet transatlantike.
Janusz Bugajski u lind më 23 shtator 1954, në Nantwich Cheshire të Anglisë.
Vdekja e tij përbën një humbje të madhe për komunitetin akademik dhe analitik ndërkombëtar, por edhe për të gjithë ata që e vlerësuan për qartësinë, integritetin dhe guximin e tij intelektual.
/The Geopost
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara