Një zyrtar i lartë amerikan i mbrojtjes tha të mërkuren se stërvitja e personelit ukrainas për përdorimin e obusit amerikan, artilerisë 155 milimetërshe, ka filluar në një vend evropian jashtë Ukrainës. Ky është fillimi i një përpjekje për t’i mundësuar ushtrisë ukrainase të përdorë artilerinë e sapo furnizuar amerikane në betejën e përshkallëzuar për rajonin Donbas në Ukrainën lindore.
Zyrtari, i cili foli në kushte anonimiteti, tha se i pari nga 18 obusët e premtuar të Shteteve të Bashkuara mbërriti të mërkuren në Evropë dhe ngarkesa të tjera të kësaj arme pritet të dërgohen në Ukrainë.
Sistemet e artilerisë do të dërgohen me rrugë tokësore në Ukrainë. Stërvitja e personelit ukrainas është duke u bërë në obuset e tjera 155 milimetërshe gjetkë në Evropë, tha zyrtari.
Zyrtari i lartë i mbrojtjes amerikane tha gjithashtu se Rusia në 24 orët e fundit ka shtuar katër batalione të tjera taktike me ushtarë në Ukrainë, tre prej tyre në rajonin e Donbasit.
Zyrtari nuk tha se sa batalione taktike ndodhen tani në Donbas, por të martën Pentagoni tha se Rusia kishte gjithsej 78 batalione të tilla në Ukrainën lindore dhe jugore.
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara