Senati amerikan e ka konfirmuar emërimin e diplomatit Christopher Hill si ambasador të ri të SHBA-së në Serbi.
Ky është edhe hapi i fundit në procesin e konfirmimit të ambasadorit të ri amerikan në Beograd, i cili do të zërë vendin e ish-përfaqësuesit diplomatik, Anthony Godrfi.
Hill vjen në postin e ambasadorit në Serbi me sugjerimin e presidentit amerikan Joe Biden.
Në mesin e dhjetorit 2021, Christopher Hill dëshmoi para Komisionit të Senatit për Marrëdhëniet me Jashtë, si një procedurë e rregullt e konfirmimit të nominimit.
Ai tha atëherë se ishte i shqetësuar se Beogradi po i drejtohej Rusisë për furnizime të caktuara për ushtrinë dhe Kinës kur ishte fjala për plotësimin e nevojave për infrastrukturë. Hill filloi karrierën e tij diplomatike në Beograd dhe mori pjesë në procesin që kulmoi me Marrëveshjen e Dejtonit dhe ishte delegat special për Kosovën nga viti 1998 deri në vitin 1999.
Para se të tërhiqej nga diplomacia në vitin 2010, Hill shërbeu si ambasador në Irak, Poloni dhe Maqedoninë e atëhershme. Ai ishte gjithashtu Ndihmës Sekretar i Shtetit për Çështjet e Azisë Lindore dhe Paqësorit. Ai drejtoi delegacionin amerikan gjatë bisedimeve me përfaqësuesit e Koresë së Veriut mbi çarmatimin bërthamor në 2003.
Pas një karriere diplomatike aktive, Hill ishte dekan i Universitetit të Denverit dhe këshilltar i Grupit Albright-Stonebridge.
Kongresisti Wilson: Serbia të ndalë kërcënimet ndaj Kosovës dhe të shkëputet nga Moska 
Nga nëntori, rusët, kinezët dhe turqit do të kenë nevojë për viza për të hyrë në Mal të Zi 
FAZ rikthen të kaluarën e Vuçiqit: Nga Varrezat Hebraike të Sarajevës te retorika e “Serbisë së Madhe” 
Nëna e njërit prej të rinjve të vrarë në “Panda” paralajmëron padi: Vuçiq e di të vërtetën, shteti serb i vrau fëmijët tanë 
Si i rekruton Rusia të huajt për luftën në Ukrainë: Nga ofertat joshëse deri te mashtrimi 
Lufta paralizon jugun e Iranit: Errësirë, mungesë karburantesh dhe varka të shkatërruara