Rreth 400 mijë nënshkrime për një ditë, studentët paralajmërojnë fundin politik të Vuçiqit

Studentët në Serbi kanë mbledhur mbi 393 mijë nënshkrime në aksionin kombëtar “Shpall Fitoren”, kjo nismë kundër presidentit serb, Aleksandar Vuçiq.

Në një postim në rrjetin social X, studentët theksuan se ky ishte aksioni i parë në terren i organizuar në nivel kombëtar dhe se reagimi i qytetarëve i ka tejkaluar pritjet e organizatorëve.

“Rreth 400,000 nënshkrime brenda një dite. Aksioni i parë në terren në të gjithë Serbinë”, shkruan studentët, duke shtuar se mbështetja ka ardhur nga qytetarë të profileve të ndryshme, përfshirë ushtarë, policë dhe të moshuar.

Ata veçuan veçanërisht reagimin e pensionistëve.

“Nuk e prisnim një reagim të tillë nga më të moshuarit. Pensionistë, më vjen keq”, thuhet në reagimin e tyre, duke nënvizuar përmasat e mbështetjes qytetare.

Sipas studentëve, aksioni do të vazhdojë edhe në ditët në vijim.

Ata paralajmëruan turne të ri në terren dhe ngritje të stendave të reja në qytete të ndryshme të vendit.

“Ne do të shkojmë vetëm përreth. Do të ketë vetëm stenda”, njoftoi iniciativa e bllokuar e Fakultetit Elektroteknik (ETF).

Në fund të njoftimit, studentët ritheksuan se aktualisht janë mbledhur 393,045 nënshkrime, ndërsa presin që me mbështetjen e diasporës, ky numër së shpejti të arrijë dhe tejkalojë 400,000.

“Shpallni zgjedhje, o frikacakë”, thanë studentët drejtuar Vuçiqit, raporton N1.

Bogdan Timotijeviq, student i drejtësisë nga Nishi, e cilësoi ditën e mbledhjes së nënshkrimeve si jashtëzakonisht të suksesshme, duke thënë se ky aksion ishte një goditje e fortë politike për presidentin e Serbisë.

“Ishte një kolonë e pafundme njerëzish dhe një erë e fortë pas shpine që na e bën të qartë neve, por edhe qeverisë tradhtare, se sa orë janë,” tha Timotijeviq.

Ai shtoi se presidenti reagoi nervozisht atë ditë, duke u shfaqur disa herë në publik.

“U soll si një fëmijë i frikësuar të cilit ia morën lodrën. Mendoj se kjo e frikësoi presidentin dhe se ai mori prova se do t’i humbasë zgjedhjet. Ai po shkatërrohet plotësisht,” deklaroi studenti./TheGeoPost.