Ligjvënësit amerikanë paralajmëruan të enjten se përpjekjet e Partisë Komuniste Kineze për përhapjen e dezinformatave do të rriten vetëm përpara zgjedhjeve të vitit 2024 në Shtetet e Bashkuara. Siç raporton korrespondentja e Kongresit të Zërit të Amerikës, Katherine Gypson, gjigandi i mediave sociale TikTok është shqetësimi kryesor i ligjvënësve.
Ligjvënësit amerikanë paralajmërojnë të enjten se fronti më i rëndësishëm në konkurrencën midis SHBA-së dhe Kinës mund të jetë në telefonat celularë të njerëzve.
Kongresisti republikan Mike Gallagher ngriti alarmin për rrezikun e rrjetit social “TikTok”
“TikTok është ndoshta operacioni më i madh i ndikimit malinj që është zhvilluar ndonjëherë, duke lejuar një entitet të kontrolluar nga CCP (Partia Komuniste Kineze) të bëhet platforma dominuese e medias dhe platforma dominuese e lajmeve në Amerikë. Kjo do të ishte gabim i madh”.
Përhapja e dezinformatave në të gjitha platformat e mediave sociale, përfshirë TikTok, mund të dalë shpejt jashtë kontrollit, thanë ligjvënësit.
Ndërsa, demokrati Raja Krishnamoorthi tha: “Ky falsifikim i thellë i Donald Trump është një vështrim në atë çka na pret e ardhmja për të gjithë ne. Ndërsa teknologjia përmirësohet, po ashtu do të përmirësohet edhe aftësia e falsifikimeve për t’u publikuar pa u zbuluar nëpër mediat sociale”.
Mënyra se si funksionon TikTok shkakton shqetësimin më të madh për ligjvënësit dhe ekspertët.
John Garnaut nga Instituti Australian i Politikave Strategjike tregoi rrezikun që shfaq TikTok.
“TikTok është një mundësi më e sofistikuar ku ka aftësinë, të paktën në teori, të mikro-shënjestrojë mesazhe në zona të ndryshme në pjesë të ndryshme të botës ose demografi të ndryshme. Dhe ka një algoritëm në të cilin askush nuk ka qasje, por është në Kinë dhe shteti kinez nuk ka lejuar që ai algoritëm të shitet”.
Por praktikat e biznesit kinez mund të komprometojnë gjithashtu pronarët e bizneseve të mediave sociale, tha një ekspert.
Studiuesja Yaqiu Wang nga Freedom House ka folur për CEO-n e Teslas, Elon Musk.
Musk mund të jetë veçanërisht i prekshëm ndaj presionit nga Pekini, sepse ai ka interesa të rëndësishme biznesi në Kinë. Dhe CCP është shumë, shumë e mirë në shfrytëzimin e qasjes të bizneseve të huaja në vend për t’i detyruar ata të ndjekin partinë.
Ekspertët u thanë ligjvënësve që TikTok po bëhet gjithnjë e më shumë burimi kryesor i lajmeve për shumë amerikanë, veçanërisht ata më të rinj, por thanë se ligjet ende mund të miratohen për të ndaluar përhapjen e dezinformatave.
“Të miratohen rregullore që kërkojnë transparencë nga të gjitha platformat e mediave sociale, duke përfshirë politikat e zbulimit dhe zbatimin dhe çfarë përmbajtje kanë promovuar apo cenzuruar, sipas kërkesës së qeverisë”, tha Wang.
/The Geopost
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999 
Rusia sulmon infrastrukturën energjetike të Ukrainës, propagandat pro-Kremlin i kthejnë vuajtjet në armë psikologjike 
Bisedimet në Abu Dhabi përfundojnë me plane për raundin tjetër – Zelensky e quan takimin ‘konstruktiv’ 
Trump thotë se gjithë të përfshirët në vjedhjen e zgjedhjeve në SHBA do të ndëshkohen – sytë sërish nga Vuçiqi