Në ndeshjen gjysmëfinale të Kupës së Serbisë, e zhvilluar në Nish, mes Crvena zvezda dhe Spartak Subotica, grupi i tifozëve “Delije” shfaqi një transparent me mbishkrimin “Kur ushtria të kthehet në Kosovë”.
Mesazhi, i cili bën thirrje për rikthimin e ushtrisë serbe në Kosova, përbën një deklaratë politike të shfaqur në një ngjarje sportive.
Shfaqja e këtij transpareni nga tribunat riktheu edhe një herë vëmendjen mbi përdorimin e ndeshjeve sportive në Serbi si hapësira për dërgimin e mesazheve politike dhe nacionaliste, në vend që fokusi të mbetet ekskluzivisht te sporti dhe gara sportive.
Pamjet e transparencës nuk mbetën vetëm brenda stadiumit. Fotografitë dhe videot u shpërndanë me shpejtësi edhe në një kanal në platformën Telegram, i cili ndiqet nga rreth 22.900 persona.
Përmes kësaj platforme, u përhap edhe jashtë kontekstit të drejtpërdrejtë sportiv, duke arritur një audiencë më të gjerë në rrjetet sociale.
Ky nuk është rasti i parë që parulla me përmbajtje nacionaliste shfaqen në ngjarje sportive ku merr pjesë Crvena zvezda.
Transparentë me mesazhe për “rikthimin e ushtrisë në Kosovë” janë regjistruar edhe më herët, si në ndeshje futbolli ashtu edhe në takime basketbolli, duke treguar një vazhdimësi të përdorimit të sportit si platformë për shprehje politike./Thegeopost.
Gjenden mbetje eshtërore të tre personave në Kalludër të Zubin Potokut 
Hetimi i NYT: Operativët rusë drejtuan programe trajnimi në Bosnje dhe Serbi që synonin Moldavinë 
Dosja e prokurorisë: Si fotografoheshin zyrtarët e AKI-së nga Fehim Sali, i dyshuari për spiunazh 
Matiq: Për pushtetin në Beograd shërbimi sekret rus është autoritet suprem 
Gligorijeviq: Dhuna është bërë pjesë e përditshmërisë në Serbi, regjimi i Vuçiqit po shpërbëhet 
Rusia i bashkohet narrativës së Serbisë: Bashkëpunimin ushtarak Kosovë–Shqipëri–Kroaci e cilëson kërcënim për Ballkanin