Bordi i Paqes mirëpret vendimin e Qeverisë së Kosovës për dërgimin e FSK-së në Gazë

Bordi i Paqes ka reaguar pas vendimit të Qeveria e Kosovës për dërgimin e trupave të Forca e Sigurisë së Kosovës në Rripi i Gazës, duke e mirëpritur këtë angazhim si kontribut në paqe dhe rindërtim.

Në një postim në rrjetin social X, Bordi i Paqes theksoi mbështetjen për vendimin e institucioneve kosovare.

“Bordi i Paqes e mirëpret angazhimin e fuqishëm të Qeverisë së Kosovës për të avancuar paqen dhe rindërtimin në Gazë”, thuhet në reagim.

Sipas legjislacionit në fuqi, pas vendimit të ekzekutivit, çështja i kalon për shqyrtim dhe votim Kuvendi i Kosovës, ndërsa në fund kërkohet edhe miratimi i presidentes së vendit.

Kryeministri i Kosovës, Albin Kurti, gjatë mbledhjes së Qeverisë, deklaroi se vendi është i gatshëm të kontribuojë në ndihmë të popullit të Gazës.

“Jemi të gatshëm të marrim pjesë dhe të ndihmojmë popullin e Gazës, sepse edhe vetë kemi qenë dhe jemi përfitues të forcave ndërkombëtare që nga viti 1999”, tha Kurti.

Ndërkaq, ministri i Mbrojtjes, Ejup Maqedonci, theksoi se ky angazhim synon të dëshmojë rolin e Kosovës si partnere e besueshme ndërkombëtare.

“Ky vendim forcon edhe më tej profilin ndërkombëtar të shtetit tonë, afirmon profesionalizmin e FSK-së dhe e vendos republikën tonë në radhën e shteteve që jo vetëm përfitojnë nga siguria ndërkombëtare, por edhe kontribuojnë vazhdimisht në ruajtjen e paqes dhe rendit ndërkombëtar”, u shpreh ai.

Vendimi për dërgimin e trupave u miratua nga Qeveria pa asnjë votë kundër dhe pa asnjë abstenim.

Sipas planifikimeve, dislokimi i FSK-së do të bëhet në kuadër të Forca Ndërkombëtare Stabilizuese, një mekanizëm i krijuar si pjesë e nismës së ashtuquajtur Bordi i Paqes, i propozuar nga presidenti amerikan Donald Trump.

Kosova është në mesin e pesë shteteve të para – së bashku me Indonezia, Maroku, Kazakistani dhe Shqipëria – që janë zotuar për pjesëmarrje në këtë mision, me qëllim ofrimin e sigurisë dhe mbikëqyrjen e armëpushimit në Gazë.

Megjithatë, ende nuk është bërë e ditur data e saktë e dislokimit dhe numri i trupave. Ministria e Mbrojtjes kishte bërë të ditur më herët se propozimvendimi për këtë çështje ishte dërguar në Qeveri më 3 mars.

Vendimi i ekzekutivit vjen pasi funksionalizimi i punës së Kuvendit, pas vendimit të Gjykata Kushtetuese e Kosovës më 25 mars, ka hapur rrugën për trajtimin e çështjeve të tilla.

Përveç autorizimit për dërgimin e trupave, Kuvendi duhet të miratojë edhe marrëveshjen për anëtarësimin e Kosovës në Bordin e Paqes.

Presidentja e Kosovës, Vjosa Osmani, e cila ka qenë ndër themelueset e Bordit të Paqes, e ka mbështetur publikisht këtë nismë. Mandati i saj presidencial përfundon më 4 prill.

Sipas raportimeve të transmetuesit publik izraelit KAN, Forca Ndërkombëtare Stabilizuese pritet të nisë angazhimin në Gazë nga muaji maj, përfshirë edhe dhjetëra ushtarë nga Kosova, megjithëse institucionet në Prishtina nuk e kanë konfirmuar zyrtarisht këtë afat.

The Board of Peace welcomes the strong commitment from the Government of Kosovo to advance peace and reconstruction in Gaza. https://t.co/4bDkiyWOUG

— Board of Peace (@BoardOfPeace) March 30, 2026

Ministri Maqedonci ka bërë të ditur se fillimisht planifikohet dërgimi i mbi 20 ushtarëve të specializuar në fusha të ndryshme, përfshirë njësitë për deminim dhe eliminim të mjeteve të pashpërthyera (EOD), operacione speciale, planifikim dhe ekipe mjekësore.

Zyrtarët e ministrisë kanë theksuar se janë në koordinim të vazhdueshëm me strukturat e Forcës Ndërkombëtare Stabilizuese dhe se është caktuar edhe një ushtarak ndërlidhës për përgatitjen e dislokimit.

Forca Ndërkombëtare Stabilizuese pritet të ketë për detyrë stabilizimin e situatës së sigurisë në Gazë, pas luftës që nisi në tetor të vitit 2023, kur Hamasi sulmoi Izraeli, duke vrarë mbi 1.200 njerëz dhe duke marrë pengje.

Sulmet pasuese izraelite në Gazë shkaktuan dhjetëra mijëra viktima, krizë humanitare dhe dëme të mëdha infrastrukturore.

Plani për krijimin e kësaj force është pjesë e një pakoje më të gjerë për arritjen e paqes, e cila është pranuar nga palët në konflikt.

Kjo nuk do të ishte hera e parë që FSK-ja dislokohet jashtë vendit. Në vitin 2021, ajo mori pjesë në një mision në Kuvajti në bashkëpunim me forcat amerikane, ndërsa më 2022 në Ishujt Falkland, në bashkëpunim me Mbretëria e Bashkuar.

Forca e Sigurisë së Kosovës është aktualisht në proces të shndërrimit në ushtri të plotë, proces që pritet të përfundojë deri në vitin 2028.

Në fund të mbledhjes, Qeveria mori edhe disa vendime të tjera, përfshirë ndarjen e një shpërblimi financiar për Federata e Futbollit e Kosovës, pas fitores së Kosovës në ndeshjen e plejofit që e afron drejt kualifikimit për Kupën e Botës.

Po ashtu, ekzekutivi miratoi edhe pagesën e pagës së 13-të për rreth 91.2 mijë punonjësit e angazhuar në sektorin publik, në nivelin lokal dhe qendror.

The Geopost