Lideri i serbëve të Bosnjës, Millorad Dodik ka mbajtur një fjalim pro rus në Maqedoni të Veriut, me rastin e kremtimit të festës nacionale serbe “Shën Spasi”.
Dodik, i cili njihet për politikat proruse, ka kritikuar BE-në për gjoja lëshime, derisa Maqedoninë e Veriut e përdori si shembull të joparimitetit të Bashkimit Evropian.
“Ne jemi në rrugën evropiane, por shohim se është pikërisht ajo Evropa që është turpëruar më shumë në Maqedoninë e Veriut, e cila ka bërë shumë lëshime dhe ka fituar pak nga ajo Evropë. Dhe një ditë do të duhet të ndalemi dhe të mendojmë me kujdes nëse do të vazhdojmë në këtë rrugë”, tha Dodik.
“Të jetojë Maqedonia, të jetojë Serbia, të jetojë Republika Srpska dhe të jetojë Rusia vëllazërore”, shtoi ai.
Dodik, i cili është në listën e zezë e ShBA-së mes tjerash mohoi gjenocidin në Srebrenicë dhe dërgoi porosi anti-NATO.
“Çfarë mbeti nga Evropa? Ndonjë vlerë? Cilat vlera? Ku janë?”
Për vizitën e Dodik në Maqedoni të Veriut ka reaguar Lidhja Demokratike Boshnjake e Maqedonisë së Veriut, duke kritikuar ashpër faktin që Dodik u pranua nga zyrtarë të Maqedonisë së Veriut, pavarësisht faktit se ai është në listën e zezë të SHBA-së “për shkak të politikave të tij gjenocidale dhe korrupsionit”./The Geopost/
A po i vjen fundi Vuçiqit? Nga Ibri te zgjedhjet, pse presidenti serb po e ashpërson retorikën 
Faqja “Stazama Kosmeta” dezinformon duke e devijuar deklaratën e ministrit Sveçla 
Vuçiq “i puth dorën” Zelenskyt, ndërsa i ruan shpinën Putinit 
Nga nacional-populizmi i Vuçiqit te integralizmi i Lomparit: A rrezikon lëvizja studentore të humbasë karakterin e saj qytetar? 
Senatori amerikan thekson përparimin në Senat ndërsa projektligji për sanksione ndaj Rusisë dhe Iranit i afrohet votimit 
SHBA kërkon ekstradimin e hakerit iranian të arrestuar në Mal të Zi