Skip to content
The Geopost

The Geopost

  • LAJME
  • FACT CHECKING
  • ANALIZA
  • INTERVISTA
  • BALKAN DISINFO
  • RRETH NESH
  • News

Vlahoviq për interpretimin e melodisë nacionaliste në Bruksel: Provokim i qëllimshëm me mesazhe të qarta

The Geopost November 16, 2026 3 min read
Share the news

Ish-ministri i Punëve të Jashtme të Malit të Zi dhe ambasadori i Malit të Zi në Washington, Miodrag Vlahoviq, e ka quajtur provokim interpretimin e melodisë së këngës nacionaliste serbe “Oj Kosovo, Kosovo” në Forumin e Zgjerimit të Bashkimit Evropian, dhe ka thënë se ka disa probleme rreth tij.  

Vlahoviq i cili njihet për rolin e tij aktiv në politikën e jashtme dhe angazhimin në proceset e pavarësisë dhe integrimit euroatlantik të vendit, në një deklaratë për KOHËN ka thënë se së pari është jashtëzakonisht joserioze që ngjarje dhe ceremoni të ndjeshme të organizohen pa përgatitje të kujdesshme dhe pa verifikime e miratime paraprake.

“Kushdo që punon me vendet e Ballkanit Perëndimor, e veçanërisht diplomatët, duhet të jenë të kujdesshëm dhe të vëmendshëm që përmbajtjet, mesazhet dhe pjesëmarrësit të mos fyejnë askënd, e sidomos vendet e tjera”, ka thënë ai.

Vlahoviq ka thënë se dikur, në diplomacinë tradicionale, edhe gafat shumë më të vogla, të qëllimshme apo të paqëllimshme, konsideroheshin të pafalshme dhe shkaktonin probleme serioze.

Së dyti, ai ka thënë se këtu kemi të bëjmë me një provokim të qartë dhe të qëllimshëm, me mesazhe të qarta. 

Ai ka thënë se interpretimi i melodisë së kësaj kënge nuk e komprometon vetëm koisioneren për zgjerim Marta Kos, por edhe vetë Komisionin Evropian.

“Për dikë, detyra e të cilit është të merret me çështjet e marrëdhënieve të mira fqinjësore dhe bashkëpunimin e BE-së me të gjitha vendet e rajonit, përfshirja në program e një kënge e cila, veçanërisht në këtë kontekst, nënkupton shprehjen e pretendimeve territoriale dhe mohimin e shteteve të pavarura, përbën një gabim të rëndë. Një veprim i tillë nuk e komprometon vetëm personalisht komisioneren Kos, por edhe vetë Komisionin Evropian, përkatësisht diplomacinë evropiane”, ka thënë Vlahoviq.

Ai ka thënë se problem në këtë çështje është edhe se Kos përkrah politka që promovojnë drejtpërdrejt dhe qartazi narrativa dhe përmbajtje jo-evropiane dhe anti-evropiane.

“Së treti, zonja Kos vazhdon të tregojë një prirje jashtëzakonisht problematike drejt bashkëpunimit dhe përkrahjes së partive dhe politikanëve nacional-shovinistë, pra të politikave që promovojnë drejtpërdrejt dhe qartazi narrativa dhe përmbajtje jo-evropiane dhe anti-evropiane. Kjo është e keqe për të gjithë ne në Ballkanin Perëndimor, sepse kemi nevojë, më shumë se kurrë më parë, për një qasje të paanshme, të ekuilibruar dhe objektive të diplomacisë së BE-së”, ka theksuar Vlahoviq.

Dhe në fund Vlahoviq ka thënë se ky rast dëshmon sabotim të drejtpërdrejtë të politikës së BE-së ndaj Serbisë, Kosovës e Ballkanit Perëndimore në tërësi. 

“Dhe, së fundi, së katërti, duke qenë se, siç dihet mirë, një nga kushtet për integrimin evropian të Republikës së Serbisë është rregullimi i marrëdhënieve me Republikën e Kosovës, ky rast po dëshmohet si një sabotim i drejtpërdrejtë i politikës së BE-së ndaj Serbisë, Kosovës dhe Ballkanit Perëndimor në tërësi. Pse zonja Kos dhe kolegët e saj e lejojnë dhe e tolerojnë këtë, këtë duhet t’ua pyesni atyre”, ka theksuar Vlahoviq.

Tags: Miodrag Vlahoviq

Continue Reading

Previous: Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore

Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore 2 min read
  • Botë
  • News

Propaganda ruse përmes muzikës së gjeneruar nga AI: Mbi 86 milionë dëgjime në platformat perëndimore

The Geopost November 16, 2026
Estonia mbyll të gjitha pikat kufitare me Rusinë, zbulon arsyen 1 min read
  • Botë
  • News

Estonia mbyll të gjitha pikat kufitare me Rusinë, zbulon arsyen

The Geopost November 15, 2026
Tri organizata serbe ngrenë padi penale ndaj Vuçiqit, Daçiqit dhe Brnabiqit për Kosovën 3 min read
  • Ballkan
  • News

Tri organizata serbe ngrenë padi penale ndaj Vuçiqit, Daçiqit dhe Brnabiqit për Kosovën

The Geopost November 15, 2026
Macron: Ukraina ka vendin e merituar në NATO, ndërsa Putini nuk dëshiron negociata të vërteta 1 min read
  • Botë
  • News

Macron: Ukraina ka vendin e merituar në NATO, ndërsa Putini nuk dëshiron negociata të vërteta

The Geopost November 15, 2026
Forcat e BE-së ndalojnë një cisternë të dyshuar të flotës së fshehtë ruse në Mesdhe 2 min read
  • Botë
  • News

Forcat e BE-së ndalojnë një cisternë të dyshuar të flotës së fshehtë ruse në Mesdhe

The Geopost November 15, 2026
Vuçiq thotë se pa lejen e Kurtit s’mund të hyjë në Kosovë 2 min read
  • Ballkan
  • News

Vuçiq thotë se pa lejen e Kurtit s’mund të hyjë në Kosovë

The Geopost November 15, 2026

Përkthimi i përmbajtjeve në gjuhët tjera bëhet në mënyrë automatike dhe mund të ketë gabime!

  • [email protected]
  • +383-49-982-362
  • Str. Ardian Krasniqi, NN
  • 10000 Prishtina, KOSOVO
X-twitter Facebook

Corrections and denials

Copyright © The Geopost | Kreeti by AF themes.