Partia e Demokratëve Evropianë ka reaguar pas incidenteve dhe përleshjeve të regjistruara sot në Uzhicë të Serbisë, duke kritikuar ashpër mënyrën se si policia menaxhoi situatën gjatë protestave para tubimit të Partisë Përparimtare Serbe (SNS), ku mori pjesë edhe presidenti Aleksandar Vuçiq.
Në një reagim të publikuar në rrjetin social X, Demokratët Evropianë kanë thënë se policia përdori gaz lotsjellës për të larguar demonstruesit nga Sheshi Partizan, ndërsa, sipas tyre, nuk ndërhyri në mënyrë të mjaftueshme përballë asaj që e cilësuan si “dhunë të pashembullt”.
“Sot në Uzhicë, në Serbi, oficerët e policisë larguan demonstruesit nga Sheshi Partizan përpara tubimit të SNS-së ku mori pjesë Aleksandar Vuçiq, duke përdorur gaz lotsjellës, ndërsa ata mbetën pasivë përballë dhunës së pashembullt”, thuhet në reagimin e tyre.
Demokratët Evropianë kanë paralajmëruar se incidentet e tilla paraqesin një sinjal shqetësues për procesin politik në Serbi, në prag të zgjedhjeve të jashtëzakonshme parlamentare që, sipas tyre, pritet të mbahen në tetor.
“Dhuna dhe konfliktet janë fillimi më i keq i mundshëm i një fushate zgjedhore. Vuçiq tregon se nuk është i aftë – ose nuk është gati – të garantojë një proces zgjedhor të drejtë, të rregullt dhe demokratik”, thuhet në reagim.
Partia evropiane ka theksuar se Serbia meriton një proces zgjedhor të lirë dhe dinjitoz, duke e kritikuar situatën e krijuar në Uzhicë.
Ndërkohë, sot në Uzhicë u mbajt një tubim i SNS-së, në të cilin mori pjesë dhe mbajti fjalim presidenti serb Aleksandar Vuçiq.
Gjatë zhvillimeve në qytet u raportuan përleshje fizike mes qytetarëve, policisë dhe mbështetësve të SNS-së.
Incidentet ndodhën në kuadër të tensioneve që shoqëruan tubimin e partisë në pushtet.
The Geo Post
Today in #Užice, Serbia, police cleared protesters from Partizan Square ahead of an #SNS rally attended by Aleksandar #Vučić, using tear gas while remaining passive in the face of unprecedented violence. Serbia is heading for snap parliamentary elections in October. Violence and… pic.twitter.com/PzP6zYWqLA
— European Democrats (@democrats_eu) August 29, 2026
Dosja e përgjimeve: Vuçiq i lidhur me bosin e drogës, dha garanci edhe për lirimin e tij nga burgu 
Eurodeputeti kroat: Asnjë politikë s’e ndryshon faktin historik që Kosova, Kroacia e Bosnja ishin viktima të agresionit serb 
Kallas: Rusia nuk do ta detyrojë Ukrainën të dorëzohet, Evropa do të vazhdojë ta mbështesë Kievin 
Lazar Radulloviq e quan Listën Serbe organizatë kriminale: Mund të më vrisni, por nuk mund të më frikësoni 
Lista zgjedhore e Serbisë në Kosovë rritet për mbi 20 mijë votues – parregullsi dhe emra të përsëritur 
BE-ja jep edhe 2.86 miliardë euro për të mbuluar ‘nevojat më urgjente’ të Ukrainës – dronë dhe raketa