Shtetet e Bashkuara kanë ndërmarrë një valë të re sulmesh ajrore ndaj Iranit, duke publikuar pamje video nga operacioni ushtarak që zgjati rreth 90 minuta.
Sipas Komandës Qendrore Amerikane (CENTCOM), objektiv i sulmeve ishte Ishulli i Madh Tunb (Greater Tunb), një pikë strategjike në Gjirin Persik.
Sipas ushtrisë amerikane, gjatë operacionit u goditën sistemet e mbrojtjes bregdetare, pozicionet e raketave lundruese dhe vendet e lëshimit të raketave në ishull.
Sulmet u kryen me municione precize, me qëllim neutralizimin e kapaciteteve ushtarake iraniane në zonën pranë Ngushticës së Hormuzit.
CENTCOM publikoi edhe pamje nga sulmet, duke bërë të ditur se operacioni ishte pjesë e përpjekjeve për të mbrojtur lirinë e lundrimit dhe për të penguar sulmet iraniane ndaj anijeve tregtare që kalojnë nëpër Ngushticën e Hormuzit.
Këto sulme vijnë në një kohë kur tensionet mes Uashingtonit dhe Teheranit janë përshkallëzuar ndjeshëm.
Irani ka kërcënuar se do të bllokojë eksportet energjetike nga rajoni, ndërsa SHBA ka intensifikuar operacionet ushtarake kundër objektivave iraniane përgjatë bregdetit dhe në ishujt strategjikë të Gjirit Persik.
The GeoPost
— U.S. Central Command (@CENTCOM) July 15, 2026
Kallas: Rusia nuk do ta detyrojë Ukrainën të dorëzohet, Evropa do të vazhdojë ta mbështesë Kievin 
Dimri i egër në horizont: Ukrainasit përgatiten për më të keqen mes përshkallëzimit të fushatës ajrore ruse 
Rutte kërkon më shumë ndihmë ushtarake për Ukrainën: Aleatët duhet të forcojnë mbrojtjen ajrore 
Si i prishën sulmet e Ukrainës në qendrat e të dhënave taksitë, blerjet dhe bizneset në Rusi 
BE-ja po punon në shumë fronte për të kufizuar hyrjen ruse në shtetet anëtare 
Reuters zbardh synimet e Putinit para se të pranojë negociatat e paqes me Ukrainën