Nëna e njërës prej viktimave të tragjedisë së stacionit të trenit në Novi Sad u detyrua të largohej nga Serbia, nga frika për sigurinë e saj pasi u vu nën presion nga mbështetësit e regjimit.
Dijana Hrka, djali i së cilës, Stefani, u vra kur një tendë betoni u shemb më 1 nëntor, i tha emisionit të mëngjesit të TV Nova se iu desh të largohej nga Serbia nga frika për sigurinë e saj, duke shtuar se i vjen keq që nuk mundi të ndezte një qiri për të birin dhe t’i bashkohej protestave studentore në qytetin e saj të lindjes, Novi Sad, të enjten.
Hrka u sulmua disa herë për kritikimin e autoriteteve për tragjedinë që vrau djalin e saj.
Ajo tha se nuk i besonte qeverisë apo policisë dhe ishte e zhgënjyer që nuk po bëhej asgjë për t’i sjellë përgjegjësit para drejtësisë. «Nuk i besoj shtetit tonë dhe do të kërkoj drejtësi diku tjetër», tha ajo.
Hrka u sulmua verbalisht nga mbështetësit e regjimit gjatë protestës studentore përpara selisë së televizionit shtetëror serb.
Raporti i CEPA-s: Rusia po zhvillon “luftë në hije” në Evropë, rritet rreziku i përshkallëzimit 
Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse, strehohet në Moskë 
Kosova bashkë me vendet e tjera dënon sulmet iraniane në Ngushticën e Hormuzit 
Deputeti i Bundestagut gjerman: Ndërhyrja e NATO-s në ’99-ën ndali gjenocidin e Millosheviqit në Kosovë 
Ulja e orëve të gjuhëve të huaja në shkollat ruse si mjet militarizimi 
“Nuk e bënë shqiptarët” – Si u vra Milosh Vlashkoviqi në Mazgit nga dy ushtarë serbë, teksa grabisnin shtëpitë në vitin 1999