Sfidojnë Perëndimin, tre autokratët do të shkojnë në Moskë për Paradën e Fitores

Më 9 maj në Moskë do të mbahet Parada e Fitores, e organizuar nga presidenti i Rusisë, Vladimir Putin. Edhe pse pjesa perëndimore e botës e bojkoton këtë ngjarje dhe u bën thirrje liderëve që të mos marrin pjesë, tre autokratë – Robert Fico nga Sllovakia, presidenti i Serbisë Aleksamdër Vuçiq dhe ai i Republikës Sërpska, Milorad Dodik – do të marrin pjesë në paradën e këtij viti. Edhe pse ka pasur reagime të ashpra nga zyrtarë të Brukselit që presidenti Vuçiq të mos shkojë, ai me shumë gjasë do të jetë i pranishëm në ngjarje dhe do të zhvillojë takime me përfaqësues të Moskës.

Presidenti i Serbisë, Aleksandër Vuçiq, deklaroi të mërkurën në Beograd se nuk e ka ndryshuar qëndrimin e tij përkundër presioneve dhe se do të shkojë në Moskë më 9 maj në paradën me rastin e 80-vjetorit të fitores kundër fashizmit në Luftën e Dytë Botërore.

“Me presidentin (e Rusisë, Vladimir) Putin gjithmonë kam pasur një marrëdhënie të hapur, të sinqertë dhe miqësore, e cila nuk është gjithmonë e lehtë dhe e thjeshtë sepse nuk jemi gjithmonë dakord, por i besojmë njëri-tjetrit kur themi diçka. Tetë muaj më parë kam thënë se do të shkoj në Moskë më 9 maj dhe do të shkoj në Moskë”, tha Vuçiq për televizionet nacionale ne Serbi.

Ai shtoi se ndoshta do të shkojë vetëm në Moskë dhe se për këtë udhëtim “do të marrë të gjitha goditjet e botës, si nga jashtë ashtu edhe nga brenda”.

/The Geopost