Protestuesit në veri kanë shkruar simbolin “Z” të agresionit rus në veturat e Policisë së Kosovës

Në veturat e Njësisë Speciale të Policisë së Kosovës në veri, serbët që kundërshtojnë zgjedhjen e kryetarëve të rinj kanë shkruar me bojë të bardhë simbolin kombëtar të serbëve, ndërsa me ngjyrë të zezë shkronjën “Z” e cila është bërë simbol i mbështetjes për pushtimin rus të Ukrainës.

Që nga fillimi i luftës ruse në Ukrainë, shkronja Z është bërë simbol i agresionit rus.

Gjithashtu, simboli “Z” është parë disa herë më parë në veri, si dhe grafite të grupit paramilitar prorus Wagner./The Geopost/