Patriarku rus Kirill, një mbështetës i Presidentit Vladimir Putin dhe vendimit të Rusisë për të pushtuar Ukrainën, spiunoi për BRSS në Zvicër në vitet 1970, raportojnë mediat zvicerane.
Sipas të përjavshmeve Sonntagszeitung (botuar në gjermanisht) dhe Le Matin Dimanche (botuar në frëngjisht), të cilat kishin akses në dosjet e deklasifikuara të Arkivit Kombëtar të Zvicrës, “Imzot Kirill”, siç përmendet në dokument, punonte për KGB-në, Agjencia kryesore e Sigurisë dhe Inteligjencës e BRSS.
Kirill thuhet se ka kryer aktivitete spiunazhi ndërsa jetonte në Gjenevë si përfaqësues zyrtar i Patriarkanës së Moskës në Këshillin Botëror të Kishave (WCC).
Misioni i Kirillit, i koduar “Mikhailov”, ishte gjithashtu të ndikonte në këtë Këshill, në të cilin KGB u infiltrua në vitet 1970 dhe 1980.
Kisha Ortodokse Ruse refuzoi të komentonte mbi aktivitetet e supozuara të spiunazhit të Kirillit në Gjenevë, ndërsa WCC tha se nuk kishte “asnjë informacion” mbi këtë temë.
Sipas arkivave, qëllimi sovjetik ishte të inkurajonte institucionin të dënonte SHBA-në dhe aleatët e saj dhe të zbuste kritikat për mungesën e lirisë fetare në BRSS.
Megjithatë, kushëriri i Patriarkut Mikhail Gundayev, i cili aktualisht përfaqëson Kishën Ruse në WCC në Gjenevë, këmbënguli për Le Matin Dimanche se xhaxhai i tij “nuk ishte agjent, megjithëse ishte nën kontrollin e rreptë të KGB-së”.
Dhe kjo, këmbënguli ai, “nuk ndikoi në sinqeritetin e angazhimit të tij në punën ekumenike me Kishat e tjera”.
Gundayev gjithashtu këmbënguli se xhaxhai i tij e vlerësonte veçanërisht Zvicrën. Ndër të tjera, ai ishte i pasionuar pas skijimit, madje dyshohet se kishte thyer këmbën në shpatet e Zvicrës në vitin 2007.
“Midis diplomacisë fetare, spiunazhit dhe financave, Kirill tërhiqej vazhdimisht nga Alpet dhe brigjet e liqenit të Gjenevës,” tha Le Maten.
“Kam ndjenja të veçanta për vendin tuaj”, tha Patriarku në vitin 2019 pasi priti Presidentin e dhomës së lartë të Parlamentit zviceran. “Nga të gjitha vendet në botë, ndoshta më së shumti e kam vizituar Zvicrën”./Danas/
Polonia krijon një brigadë të posaçme ushtarake për mbrojtjen e kufirit me Kaliningradin rus 
Ukraina do të investojë deri në 1 miliard euro nga huaja e BE-së në projekte të përbashkëta të mbrojtjes 
Hakerët mund të kontrollojnë frigoriferët e supermarketeve nga larg, 13 mijë sisteme të ekspozuara në 99 shtete 
Zelensky: Ukraina çliroi më shumë territor sesa humbi gjatë tetorit, Rusia pësoi mbi 54 mijë humbje 
SHBA-ja reagon pasi Kina dhe Rusia thellojnë bashkëpunimin në Arktik 
SHBA-ja shet 500 raketa Patriot për Ukrainën, por dërgesat pritet të nisin vetëm pas vitit 2030