Vdes për Rusinë, kërkohen para për ta sjellë kufomën në Serbi

Një javë pasi u vra duke luftuar për Rusine, trupi i pajetë i serbit Stefan Dimitrijevic është ende i pavarrosur.

Federata Ruse nuk ka marrë mundin që me shpenzimet e saj ta sjellë kufomën e mercenarit qe dha jetën për të, në Serbi.

Kjo është bërë e ditur nga vëllai i Stefanit, Ivan Dimitrijevic, një status në Facebook.

“Ka kaluar nje javë që kur u vra vëllai im, dhe askush nuk ka pritur dicka të tillë. Shume njerëz janë ofruar qe të ndihmojnë, kemi vendosur që ta publikojmë llogarinë time bankare për ndihmë rreth mbledhjes së të hollave për varrimin dhe sjelljen e kufomës në Serbi”, ka shkruar Ivan Dimitrijevic në Facebook.

Mercenari serb, që u vra nga forcat çlirimtare ukrainase, kishte shkuar për të luftuar përkrah forcave okupuese ruse në Donbas që në vitin 2015.

Ndërkohë, mercenari i vrarë serb, Stefan Dimitrijevic, kishte postuar edhe një fotografi të tij në veri të Mitrovicës.